วันอังคารที่ 7 พฤษภาคม พ.ศ. 2556

เนื้อเพลง อีสานบ้านเฮา - เทพพร เพชรอุบล

เนื้อเพลง
เพลงใหม่ **หอมดอกผักกะแยง ยามฟ้าแดงค่ำลงมา
แอ๊บๆ เขียดจะนา ร้องยามฟ้าฮ้อนหวนๆ
เขียดโม้เขียดขาคำ เหมือนหมอลำพากันม่วน
เมฆดำลอยปั่นป่วน ฝนตกมาสู่อีสาน

หมู่หญ้าตีนกับแก ถูกฝนแลเขียวตระการ
ควายทุยเสร็จจากงาน เล็มหญ้าอ่อนตามคันนา
รุ่งแจ้งพอพุ่มพู ตื่นเช้าตรู่รีบออกมา
เร่งรุดไถฮุดนา รีบนำฟ้าฟ่าวนำฝน


อีสานบ้านของเฮา อาชีพเก่าแต่นานดล
เอาหน้าสู้ฟ้าฝน เฮ็ดนาไร่บ่ได้เซา
เฮ็ดนาไร่บ่ได้เซา..

* ม่วน..เอ๊ย..โอ...
ม่วนเอยม่วนเสียงกบ ร้องอ๊บๆ กล่อมลำเนา
ผักเม็ดผักกะเดา ผักกระโดนและผักยีฮีน
ธรรมชาติแห่งบ้านนา ฝนตกมามีของกิน
ฝนแล้งแห้งแผ่นดิน ห้วยบึงหนองแห้งเหือดหาย

** มาเด้อมาเฮ็ดนา มาเด้อหล้าอย่าเดินอาย
นับวันจะกลับกลาย บ่าวสาวไหลเข้าเมืองกรุง
เสียงแคนกล่อมเสียงซุง ตุ้งลุ่งตุ้ง แล่นแตรลุ่งตุง
เสียงแคนกล่อมเสียงซอ อ้อนแล้วอ๋ออ้อนอีแล้วอ๋อ
มาเด้อมาช่วยกันก่อ อีสานน้อ...บ้านของเฮา

เพลงใหม่


ไม่มีความคิดเห็น:

แสดงความคิดเห็น

แสดงความคิดเห็น